Bydd digon o ddireidi, cerddoriaeth a syrpreisys wrth i’r gwych Twirlywoos Live hwylio yn eu cwch mawr coch ac anelu am Theatr y Torch ar gyfer nid un, ond dau berfformiad ar ddydd Sul 7 Mai. Nid yw’r pedwar cymeriad bach tebyg i aderyn, sy'n chwilfrydig a brwdfrydig - Great BigHoo, Toodloo, Chickedy a Chick yn gallu aros i‘ch tywys chi, a’u ffrindiau ar daith wrth iddynt ddarganfod y byd hyfryd sydd o’n hamgylch!

Daw’r Twirlywoos doniol, hoffus yn fyw ar lwyfan gyda phypedwaith hynod ddyfeisgar sy’n addo awr o hwyl a chwerthin lliwgar i’r rhai un mlwydd oed a hŷn. Gan gynhyrchwyr The Very Hungry Caterpillar Show, mae’r Twirlywoos Live yn gyflwyniad hudolus i theatr i bob oed.

Mae’r sioe wedi’i datblygu gydag ymrwymiad i wylio sut mae plant yn rhyngweithio ac yn datblygu, ac mae pob pennod yn creu gofodau i blant cyn oed ysgol wneud eu cysylltiadau eu hunain, sy’n cynorthwyo eu dysgu.

“Mae Twirlywoos yn cydnabod gallu cyfoethog plant i ddysgu ac i wybod yn ifanc ac felly mae’r cynnwys yn adeiladu ar yr hyn rydyn ni’n ei wybod am sut mae plant yn mynd ati i ddysgu yn y byd (ac amdano). Mae nodweddion allweddol yn cynnwys: chwilfrydedd, patrymau meddwl parhaus a phwysigrwydd symudiad, mae’r Twirlywoos bob amser yn symud – neu’n symud gwrthrychau – fel mae plant ifanc),” eglurodd yr Athro Cathy Nutbrown yr Ymgynghorydd Addysg wrth drafod y cynhyrchiad.

Ychwanegodd yr Athro Nutbrown: “Rydyn ni’n gwybod bod plant yn dysgu trwy hiwmor a phan fydd plant yn gweld pethau’n ddoniol maen nhw mewn sefyllfa i ddeall, felly mae’r hwyl yn Twirlywoos yn bwysig.”

Disgrifiwyd fel ‘antur hollti-bol, wedi’i plesio y rhai bach, yn sbri ar gyfer y teulu,’ gan Opening Night ac fel ‘ystod o liwiau llachar, cerddoriaeth, swigod, canu a gwisgoedd. Yn sioe swynol ar gyfer cynulleidfaoedd ifanc’ gan West End Wilma. Bydd pob aelod o’r teulu yn mwynhau’r cynhyrchiad hwn.

Bydd y Twirlywoos Live yn ymweld â Theatr y Torch ar ddydd Sul 7 Mai am 2pm a 4pm. Tocynnau’n £14.00. Plant £12. Teulu: £45. Gellir prynu tocynnau oddi wrth y Swyddfa Docynnau ar 01646 695267 neu ewch i torchtheatre.co.uk.