Mae pentref Pokeytin dan fygythiad. Mae eu cnydau a'u gwartheg yn diflannu dros nos. Mae golch Mrs Dodos wedi cael ei ddwyn o'r lein ac ni all Mr Walrus ddod o hyd i un wystrysen! Pwy sydd ar fai? Wel y Jabberwocky wrth gwrs! Dewch i weld y sioe deuluol hyfryd hon – y Jabberwocky and Other Nonsense yn Theatr y Torch fis Awst eleni.

Calf 2 Cow sy’n cyflwyno’r addasiad newydd doniol hwn o gerdd enwog Lewis Carroll (Alice in Wonderland) The Jabberwocky. Wedi'i leoli ym myd Wonderland, ymunwch â nhw wrth iddyn nhw adrodd hanes ein harwr ifanc o Pokeytin, wedi'i arfogi â'i gleddyf forpal, dewr ar y daith i wynebu'r Jabberwock ffyrnig, gan obeithio taro ei ben i ffwrdd ac achub y wlad! Hussah!

Ond a yw'r anghenfil hwn cynddrwg ag y mae'r hen bobl leol yn ei ddweud?

Mae Calf 2 Cow Productions, sydd wedi’i leoli’n falch yng Nghaerfaddon, yn datblygu’n gyflym fel cwmni theatr comedi slapstic teithiol newydd, gan greu theatr weledol iawn sy’n llawn roc a rôl byw, boncyrs ac anhrefn. Ei chenhadaeth yw creu a theithio theatr ddoniol sy'n gwthio ffiniau gan ddefnyddio adrodd straeon creadigol ac egnïol ar gyfer bron pawb! (4 - 104 oed! - ni chaniateir i unrhyw un iau neu hŷn ddod i mewn. Sori!)

Disgwyliwch y driniaeth Calf 2 Cow o aml-rolio gwirion, ciciau a bagladau, roc a rôl stampio llawr byw, bwcedi dŵr, actorion chwyslyd a phyped draig enfawr, yn anadlu tân go iawn! Gafaelwch yn eich aderyn Jubjub, a’ch het wallgof orau, a pharatowch eich hun ar gyfer cwest o chwerthin torri bol. Dyma'r Jabberwocky fel na welwyd erioed o'r blaen.

Bydd THE JABBERWOCKY & OTHER NONSENSE yn ymweld â Theatr y Torch  ar ddydd Iau 31 Awst am 4pm. Tocynnau: Teulu £45.00 | Safonol £16 | Plentyn: £11. Gellir prynu tocynnau o’r Swyddfa Docynnau yn Theatr y Torch ar 01646 695267 neu drwy glicio yma.