Paratowch am noson a hanner wrth i’r Beach Boyz Tribute Band ddychwelyd i Theatr y Torch yn dilyn perfformiad a wnaeth werthu pob tocyn yn 2022, gyda chynhyrchiad newydd sbon o’r enw The Beach Boyz Tribute Show! Archebwch eich tocynnau’n gynnar er mwyn osgoi siom gan fod y Beach Boyz mor boblogaidd yma yn y Torch!

Dewch i weld y bechgyn ar lwyfan ar nos Sadwrn 22 Gorffennaf am 7.30pm fel y gwelir ar deledu'r BBC, BBC Radio Wales, radio lleol y BBC a gorsafoedd radio lleol annibynnol ar draws y DU!

Dewch i ymuno â thaith mewn amser a gofod, yn ôl i'r 1960au, draw i lannau heulog Talaith Aur Califfornia lle cafodd y sain syrffio ei genhedlu.

P'un a ydych yn dod yn ôl i weld y Beach Boyz Tribute Band eto neu’n dod am y tro cyntaf, mae’r sioe mor wefreiddiol ag erioed, gan lenwi’r awditoriwm â harmoni lleisiol godidog, cyfoethog. Mae’r pump sydd yn canu, oll yn chwarae’r bechgyn sy’n Fand Teyrnged Beach Boyz, yn parhau i syfrdanu ac yn herio cred yn eu hailchwarae o’r band roc pop mwyaf yn America, The Beach Boys®.

Peidiwch â synnu, ar ddiwedd y perfformiad, os byddwch ar eich traed, yn clapio a bloeddio am fwy, gan y byddwch mewn cwmni da, oherwydd mae hyn yn tueddu i ddigwydd ym mhob cyngerdd Band Teyrnged Beach Boyz, gan syfrdanu cynulleidfaoedd ar draws y DU a thu hwnt!

Bellach yn eu 8fed flwyddyn o deithio i theatrau a gwyliau yn y DU ac Ewrop, mae Band Teyrnged y Beach Boyz wedi diddanu miloedd o bobl gyda’u sioe lwyfan egnïol a phleserus a thros 30 o ganeuon Beach Boys.

Bydd THE BEACH BOYZ TRIBUTE SHOW yn ymweld â Theatr y Torch ar ddydd Sadwrn 22 Gorffennaf am 7.30pm. Tocynnau: Llawn £22.50 | £21.50 CONS. Gellir prynu tocynnau o’r Swyddfa Docynnau yn Theatr y Torch ar 01646 695267 neu drwy glicio yma.