Samuel Freeman mewn Sioe Wefreiddiol na ddylid ei Cholli!

Ddydd Gwener 9 Mai, bydd cwmni theatr byw a digwyddiadau arobryn, The Production Garden, yn dod â The Mumford & Sons Story – Awake My Soul i chi yn Theatr Torch. Mae'r sioe yn ail-greu hanes anhygoel y band gwerin-roc syfrdanol a ysgwydodd y byd yn  2009.

Aeth Anwen draw am sgwrs gyda’r actor o Aberdaugleddau, Samuel Freeman, i weld beth yw’r holl gynnwrf am y sioe …

Dyweda ychydig am y noson - beth all pobl ei ddisgwyl?

Gall pobl ddisgwyl perfformiadau byw dilys o ganeuon poblogaidd y 2010au, a chael eu cludo'n ôl i'r naws gŵyl-werin-roc a oedd yn annwyl ar draws y DU a'r byd. I gyd-fynd â’r anthemau syfrdanol hyn mae hanes dyfodiad y band i enwogrwydd, a chyfle i ddysgu’r stori ddirybudd am sut y crëwyd genre newydd sbon, yr holl ffordd o fariau Llundain i werthu pob tocyn ar gyfer teithiau stadiwm. Ond yn fwyaf sicr, gall pobl ddisgwyl noson wych!

Dyweda ychydig wrthym am dy rôl yn y sioe.

Yn ogystal â bod yn faswr dwbl y band, rydw i hefyd yn gyd-grëwr The Mumford & Sons Story, yn arwain ar yr ymchwil i hanes y grŵp, a gwreiddio fy hun yn dda ac yn wirioneddol mewn ‘cornel ffeithiau’ ynghanol y gerddoriaeth sydd yn gweld pawb ar eu traed, yn cael amser gwych.

Sut brofiad yw bod yn ôl yn y Torch eto?

Fel bob amser, mae’n anrhydedd llwyr. Rwy'n llawn cyffro i fynd â'r sioe hon sy'n agos at fy nghalon, yn ôl i'm tref enedigol, lle gwn fod cynulleidfaoedd Aberdaugleddau yn edrych i godi'r to oddi ar y Torch!

Felly, Samuel, pam Mumford & Sons?

Roeddwn i'n gefnogwr mawr iawn yn tyfu i fyny. Eu dau albwm cyntaf oedd trac sain fy chweched dosbarth. Ond roedden nhw hefyd yn ddylanwad mawr iawn i mi fel cerddor a chyfansoddwr yn y theatr. Dysgodd Mumford & Sons y pŵer o adrodd straeon gwych. Roedd y gallu pur oedd ganddyn nhw i wneud gitâr acwstig a sain bas dwbl fel band roc mwyaf a mwyaf swnllyd y byd yn rhoi hyder i mi ysgrifennu fel yna fy hun.

Dyweda ychydig wrthym am y band

Dechreuodd ein grŵp fel breuddwyd fach wrth deithio o amgylch y DU gyda’n sioeau theatr haf. Bu Matthew Emeny (gitâr) a minnau’n ddigon ffodus i recriwtio’r hynod dalentog Josh Wells (allweddell) a Stan Elliot (banjo) i ymuno â ni, ac fe wnaethom gloi ein hunain i ffwrdd mewn ystafell ymarfer i ddal sain a hanfod teyrnged olaf Mumford & Sons.

Mae'n rhaid i ni binsio ein hunain mewn gwirionedd. Llynedd fe wnaethon ni roi'r sioe hon at ei gilydd yn ysgafn iawn, cael 14 gig, neidio mewn fan a tharo'r ffordd fawr ... blwyddyn yn ddiweddarach, mae'r ymateb wedi bod yn rhyfeddol. Rydym mor ddiolchgar i bawb sydd wedi dod draw a chael noson arbennig ‘da ni bob un noson, ac oherwydd hynny, mae 2025 yn edrych gymaint yn fwy ac yn well gyda phethau anhygoel i ddod!

A pha gerddor wyt ti?

Mae gen i'r fraint o berfformio yn esgidiau'r basydd Ted Dwane. Roeddwn i’n ddigon ffodus i’w weld ynghyd â gweddill y band eleni yn Camden Assembly wrth iddyn nhw gynhesu ar gyfer taith Rushmere yn ddiweddarach eleni. Talent hollol, ac fe'm gwnaeth hyd yn oed yn fwy cyffrous i fynd yn ôl ar y llwyfan.

Beth yw dy hoff gân i berfformio a pham?

Mae hyn yn newid drwy'r amser. Ond ar hyn o bryd, Whispers In The Dark fyddai hi. Cân sydd wir yn dal dylanwad America ar y band. Ond yn fwy na dim, dw i'n cael mynd yn wallgof ar y Bas Trydan a jest rocio!

Wes angen i berson fod yn ffans o The Mumford & Sons i fwynhau'r sioe?

Ddim o gwbl. Mor aml rydym wedi clywed unigolion yn dweud na fyddent byth wedi ystyried eu hunain yn gefnogwyr Mumford & Sons. Ond ar ôl gweld ein sioe 2 awr o ddathlu gŵyl werin-roc, maen nhw'n dod i ffwrdd wrth eu bodd gyda phob cân.

Mae Theatr Torch yn cadw dy alw yn ôl, beth yw’r cynllun ar ôl y sioe hon?

Rwy'n gyffrous i barhau i gynorthwyo gyda Theatr Ieuenctid y Torch, a ddechreuodd ar fy ngyrfa fel actor, a gobeithio dychwelyd am gynhyrchiad anhygoel arall gan y Torch yn fuan, wedi'i greu a'i gynhyrchu yma yn Aberdaugleddau.

Mae tocynnau ar gyfer The Mumford & Sons ar nos Wener 9 Mai am 7.30pm yn £23. Ewch i'r wefan am fanylion pellach www.torchtheatre.co.uk / ffoniwch y Swyddfa Docynnau ar (01646) 695267 neu gliciwch yma.