Mewn byd lle rydyn ni bob amser yn rasio, mae'r cyflymder yn cynyddu ac mae bywyd yn brysur, mae Rain Pours Like Coffee Drops yn cynnig eiliad o lonyddwch ym mhrysurdeb ein bywydau gwaith. Mae hon yn sioe ar gyfer y rhai sydd wedi llosgi pob pen, y rhai dan straen a'r bobl sy'n teimlo'n ddiwyneb yn y gweithle.

Daw’r artist symudiad rhyngddisgyblaethol adnabyddus Billy Maxwell Taylor â’r profiad theatr symud synhwyraidd hwn, gan gyfuno coreograffi wedi’i ysbrydoli gan y tywydd, piano amgylchynol toreithiog a myfyrdodau ar ein bywydau gwaith prysur i Theatr y Torch ar ddydd Mercher 15 Mawrth am 7pm.

Gydag 1 o bob 5 o bobl yn teimlo fel nad oes modd iddynt reoli straen yn y gweithle, mae'r darn hwn ar gyfer y rhai sydd am ail-werthuso eu perthynas â gwaith neu'r rhai sy'n dymuno cymryd peth amser i ymlacio a bod yn llonydd.

Mae Billy yn ymdrechu i ysbrydoli llonyddwch a theimlad mewn byd sy'n symud. Fel coreograffydd a chyfarwyddwr, mae wedi creu gwaith yn Now & Then Theatre, Yos Theatre, Hijinx Theatre a Chwmni Dawns Cenedlaethol Cymru. Fel perfformiwr, mae wedi gweithio ar gyfer Frantic Assembly, Motionhouse, Divadlo Continuo a Created a Monster Theatre. 

“Fel artist symudiad ymdrechaf i greu bydoedd lle gallwn fyfyrio a chysylltu â’r byd o’n cwmpas,” meddai Billy sydd hefyd yn arweinydd artistig The Motion Pack - casgliad o weithwyr llawrydd sy'n anadlu harmoni, bywiogrwydd a chyd-bresenoldeb i gyfarfyddiadau symud cofiadwy.

Bydd Rain Pours Like Coffee Drops yn ymweld â Theatr y Torch ar ddydd Mercher 15 Mawrth am 7.00pm. Tocynnau yn £10.00. £8.50 consesiynau. Gellir prynu tocynnau o Swyddfa Docynnau Theatr y Torch ar 01646 695267 neu torchtheatre.co.uk. Yn addas ar gyfer 12+.