Daw tymor Straeon Tylwyth Teg Opera Canolbarth Cymru i ben gyda chynhyrchiad newydd o glasur Humperdinck o ddiwedd y bedwaredd ganrif ar bymtheg, Hansel and Gretel. Yn seiliedig ar stori dylwyth teg y Brodyr Grimm, mae dau blentyn yn cael eu halltudio i’r goedwig hudolus gan eu rhieni llwglyd, rhwystredig. Yno, maen nhw'n crwydro i grafangau gwrach ddrwg sy'n benderfynol o'u tewhau a'u troi'n fara sinsir, dim ond i gael eu twyllo ar yr eiliad olaf.

Bydd Hansel and Gretel yn ymweld â Theatr y Torch ar ddydd Iau 16 Mawrth am 7pm. I ddarganfod ychydig yn fwy am yr opera, fe wnaeth y Tîm Marchnata gyfweld â Rebecca Afonwy-Jones sy’n chwarae rhan y Fam a’r Wrach…

Fel darn, beth sy'n eich cyffroi am Hansel a Gretel?

Mae'n stori gyfarwydd sydd wedi'i throsglwyddo trwy adrodd straeon tylwyth teg plentyndod fel bod pawb yn gwybod yn fras beth sy'n digwydd a beth i'w ddisgwyl. Cawn gyfle i gyfleu’r stori rybuddiol oesol hon, trwy ddimensiynau hudolus ychwanegol cerddoriaeth a chanu, gan ddwysáu’r ddrama.

A yw'n newydd i chi? Sut ydych chi'n teimlo am ddysgu'r gwaith a pharatoi i fynd ar daith?

Rwyf eisoes wedi chwarae rhan Hansel mewn cyfieithiad Saesneg gwych arall, felly daeth y gerddoriaeth hyfryd yn llifo'n ôl, er ei bod yn fwy na deng mlynedd ers hynny. Mae wedi bod yn her gyffrous i baratoi dwy rôl mewn un opera – ychydig fel dysgu Jekyll a Hyde...mae’r fam a’r wrach yn debycach i’r hyn yr ydym yn barod i gyfaddef efallai. Rwy’n edrych ymlaen at ddarganfod yr eithafion yn y cymeriadau a darganfod sut mae hyn yn datblygu mewn ymarfer.

Beth ydych chi'n meddwl y bydd cynulleidfaoedd yn ei gael o weld yr opera?

Dw i’n meddwl y byddan nhw wrth eu bodd yn gwylio stori maen nhw wedi ei hadnabod ers blynyddoedd, yn archwilio nodweddion y cymeriadau ac yn mwynhau’r motiffau cerddorol sy’n gysylltiedig â phob un ohonyn nhw. Mae Humperdinck yn creu awyrgylch mor hyfryd, arswydus, hudolus o nodyn cyntaf yr agorawd. Byddant yn teimlo ar unwaith fel eu bod yn cael eu cludo i fyd arall. Ar gyfer unrhyw un o gefnogwyr Wagner, mae yna ddigonedd o alawon ysgubol ac anterliwtiau cyffrous a fydd yn eich atgoffa o'r arddull fwy eang a dramatig hon nad ydym bob amser yn cael cyfle i ddod â hi i leoliadau llai.

A allech chi siarad ychydig am natur eich rôl?

Mae’n her wirioneddol i gyflwyno realiti llwm mam sy'n ei chael hi'n anodd sy'n flinedig, yn wael ei thymer, yn newynog ac o bosibl mewn priodas anodd. Mae’r rhain yn bethau y gallai aelodau’r gynulleidfa uniaethu â nhw i raddau amrywiol ac rwy’n teimlo mai fy ngwaith i yw gwneud hyn mor real â phosibl, heb ei gwneud yn wawdlun. Mae'r Wrach, os mynnwch, yn cynrychioli ochr-B y Fam a gallai fod yn hudolus, yn arswydus ac yn rhyfedd o fregus i gyd ar unwaith. Dyma harddwch cymeriad mor amlochrog, fel y gellir mynd ati mewn myrdd o ffyrdd ac yn wir, yn hanesyddol, wedi cael ei chanu gan soprano, mezzo soprano neu denor! Mae'r ystod lleisiol yn eithaf rhyfeddol ac rydw i'n edrych ymlaen yn fawr at wthio'r ffiniau dramatig gyda sut rydyn ni'n dehongli'r ddwy fenyw hyn ar y llwyfan fel bod y gynulleidfa'n teimlo'n wirioneddol atyniadol atyn nhw.

A allech chi rannu unrhyw gysylltiadau neu straeon, ni waeth pa mor ddibwys y maent yn ymddangos, ag unrhyw leoliadau neu rannau o Gymru lle mae OCC yn teithio?

Pan oeddwn i’n blentyn roedden ni’n arfer gweld pob math o gynyrchiadau yn Theatr Hafren ac rydw i wedi gwylio amryw o gyngherddau BBC NOW ac wrth gwrs sioeau OCC i gefnogi cydweithwyr yn y gorffennol ond dydw i erioed wedi perfformio yno. O ystyried mai dyma’r theatr agosaf at fy nghartref – tua 12 milltir, fe fydd yn achlysur hyfryd a dw i’n meddwl efallai y bydd ychydig o ffrindiau a pherthnasau lleol yn dod o hyd i’w ffordd yno i’n calonogi!

Flynyddoedd yn ôl, roeddwn arfer mynd ar wyliau i Borth sy’n parhau i fod yn ffefryn o le, ac roeddwn arfer mynd i’r sioeau haf yno yn Aberystwyth, ac fel glances, yn eu darganfod yn hynod ysbrydoledig. Yn 2014, fe wnes i gamu i mewn eiliad olaf fel Carmen gydag OCC ganu o’r seddau ôl y llawr, felly yn dechnegol dw i wedi canu yno, ond fe fydd hi’n braf cael wir bod ar y llwyfan y tro hwn. Wrth i ni deithio o amgylch y lle, byddaf yn aros gyda ffrindiau a theulu, neu fe fyddaf yn teithio adref yn dilyn y sioeau, a fydd yn newyddbeth hyfryd, go iawn. Fel arfer, mae teithio’n golygu nifer o nosweithiau i ffwrdd, yn cyrraedd y gwestai’n hwyr iawn ac yn gadael yn gynnar iawn y bore nesaf i gyrraedd y lleoliad nesaf neu gyrraedd ar gyfer galwad ymarfer...mae wiry n gyfareddol ond nid ydyw?! Byddaf wrth fy modd yn cyrraedd adref a gweld fy nghŵn annwyl!

Hefyd, rwy’n ymwybodol, hyd yn hyn, ... mae gennyf ffrindiau yn dod o Theatr Clwyd, Casnewydd, Aberdaugleddau, Henffordd ac Aberhonddu, felly gobeithio bydd peth canmoliaeth calonogol wrth i ni ymlwybro ein ffordd o amgylch ein hyfryd Cymru Fach a’i chyffiniau!