Ffa Hudol Ymhob Man!

Gydag ond deufis i fynd cyn pantomeim Nadoligaidd blynyddol Theatr Torch o Jack and the Beanstalk, fe wnaeth Anwen gael sgwrs gyda Chesley Gillard, y Cyfarwyddwr Artistig i weld beth yw’r holl gyffro!

Beth all cynulleidfaoedd ei ddisgwyl gan Jack and the Beanstalk eleni?

Gall cynulleidfaoedd ddisgwyl stori draddodiadol Jack and the Beanstalk, buwch a chawr, ond ni fyddai’n banto Torch heb dro yn y cynffon. Mae ein Jack yn byw yn Hakin gyda’i fam, a’u buwch annwyl – Pat – ar fferm Trott’s Tater. Mae llawer o dirnodau lleol yn ymddangos o Arwerthiant Cist Car Caerw i Gastle Pill. Mae’r sioe gyfan wedi’i hysbrydoli gan Sir Benfro ac yn cael ei chreu’n arbennig ar gyfer pawb sy’n ymweld â’r Torch.

Pam ddylai pobl o bob oed ddod i'w weld?

Bydd angen help y gynulleidfa ar Jack i guro’r cawr, felly rydyn ni angen i chi ddod draw yn barod i fwio, hisian a bloeddio. Mae llawer o gyfleoedd i ymuno – gan weiddi mae e y tu ôl i ti!

Ni fyddai’n banto heb ddigon o chwerthin gwirion i’r rhai ifanc a llawer mwy a fydd yn mynd dros eu pennau i ddifyrru’r oedolion. Mae'r Fonesig Trott bob amser yn chwilio am ei dioddefwr nesaf, y gŵr!

Mae'r dyluniad yn bleser pur, mae Kevin Jenkins ein dylunydd set a gwisgoedd wedi mynd gam ymhellach eleni. Mae yna enfys, pethe pefriog, a digon o ffa wrth gwrs! Unwaith eto, eleni rydym yn cynnal cystadleuaeth ddylunio – y tro hwn i ddylunio gwrthrych euraid y bydd Jac yn dod o hyd iddo yn ystafell drysor y Cawr. Bydd gwrthrych yr enillydd yn cael ei wneud yn ddarn go iawn o drysor a fydd yn ymddangos yn y panto.

Mae ein caneuon yn wreiddiol hefyd, wedi’u hysgrifennu gan yr hynod dalentog James Williams, sy’n golygu eich bod chi’n cael gweld rhywbeth hollol unigryw. Pan fyddaf yn teimlo’n ddramatig yn y swyddfa byddaf yn dal i dorri i mewn i ddatganiad o ‘If I’m a Beast’, yr anthem gyffrous o Beauty and the Beast y llynedd.

Beth sydd mor bwysig am banto?

Mae’n draddodiad llawen i ddod â gwên i’n hwynebau yn nyfnder y gaeaf. Mae Panto yn dod â phawb o bob oed at ei gilydd i chwerthin, canu a chlywed stori am y bois da yn ennill. I gynifer, gan gynnwys fi, panto yw eu profiad cyntaf o theatr a’r hud y gallwn ei greu ar lwyfan. Mae’n bwysig bwydo ein dychymyg ni waeth pa mor aeddfed rydyn ni’n meddwl ydyn ni.

Dyweda ychydig wrthym am y cymeriadau

Mae ein harwr Jack a'i fam y Fonesig Trott yn byw ar eu fferm datws, ond nid yw'r blynyddoedd diwethaf wedi bod yn garedig, mae'r cynhaeaf wedi bod yn dlawd, felly maen nhw'n isel ar eu lwc. Mae’r Tylwythen Deg Llysiau, Gabby Greenfingers, fel arfer yn gwneud yn siŵr bod yr holl gnydau’n tyfu’n fawr ac yn dal, ond mae hi wedi cael ei chicio allan o’r Cloudland hudolus gan y Cawr a’r bobl ddrwg Terrance ac Agatha. Mae hyn yn golygu nad yw hud Gabby yn gweithio mwyach, ond ni fydd hynny'n ei hatal rhag ceisio helpu Jack. Ac wrth gwrs, sut allwn ni anghofio'r anifail anwes teulu hoffus Pat y fuwch, sydd â'i huchelgeisiau ei hun o enwogrwydd. Wrth gwrs bydd ambell ymddangosiad annisgwyl ar hyd y ffordd, ond bydd yn rhaid i chi ddod draw i gwrdd â’r cast llawn o gymeriadau.

Pam mae pantomeimiau Theatr Torch mor boblogaidd?

Mae gan banto'r Torch gymaint o galon bob amser! Rydyn ni'n creu sioe sydd â'r holl glits a hudoliaeth pantomeim arferol, gyda gwerthoedd cynhyrchu gwych a stori dda y gall pobl ei hadrodd hefyd. Yn bennaf oll mae pobl yn gadael gyda gwên ar eu hwynebau, yn wir yn ysbryd yr ŵyl - a dyna beth yw’r pwrpas.

Disgrifiwch Jack and the Beanstalk mewn ychydig eiriau.

Llawn ffa!