Pe fyddech chi'n anifail, a fyddech chi'n hiena hysterig, yn deigr dychrynllyd, efallai'n loris diog neu'n fwnci direidus? Datglowch eich hunan greadigol yn Theatr y Torch ddydd Gwener 18 Awst wrth i Joon Dance ymweld â Sir Benfro gyda’i sioe deuluol o Fabulous Animals.

Mae Fabulous Animals, a gyfarwyddwyd gan Zosia Jo o Joon Dance, yn berfformiad theatr ddawns feiddgar sy’n archwilio ail-wylltio’r corff a’r hunan. Mae’n cofleidio ymddygiadau anifeilaidd i ddatgloi harddwch casgliad, ecoleg a llawenydd hynod.

“Dechreuodd y gwaith yn Cairo, yr Aifft gyda chyfres o weithdai a chynigiodd fan preifat, diogel i fenywod fynegi eu hunain trwy symud. Yna datblygodd hyn a chafodd ei ddefnyddio’n ymarferol fel rhan o broses ehangach o ddatblygiad creadigol, hunanddatblygiad ac iachâd,” meddai Zosia o’r cwmni bach sydd wedi ymrwymo i ymarfer cymunedol arloesol a chynhwysol a chreu perfformiadau, gan weithio’n bennaf yn Sir Benfro a Chaerdydd.

Ychwanegodd Zosia: “Mae’n ymwneud â rhyddid mewn gwirionedd, rhyddid i fynegi eich hun yn wyllt ac yn rhyfedd, ac i fod yn gyfforddus yn ein crwyn ein hunain. Ac mae’n ymwneud â chael ein hysbrydoli gan anifeiliaid a phlanhigion i fod yn fwy cydnaws â’n hunain yn reddfol a’n hamgylchedd.

“Rwyf wedi bod wrth fy modd yn gwneud y gwaith hwn o’r dechrau i’r diwedd - mae wedi bod yn bum mlynedd o ymchwil, perfformio, creu, darllen a rhannu ac mae’r cyfan yn gorffen yma gyda thîm sy’n cynnwys rhai o fy hoff gydweithwyr.”

Bydd FABULOUS ANIMALS yn ymweld â Theatr y Torch ar ddydd Gwener 18 Awst am 6.30pm Tocynnau: £10 / £8 consesiynau. Gellir prynu tocynnau o’r swyddfa Docynnau yn Theatr y Torch ar 01646 695267 neu drwy glicio yma.