Fis Hydref eleni yn Theatr y Torch, bydd y perchennog busnes lleol Lloyd Grayshon, brodor o Sir Benfro, yn arddangos ei luniau gwych o’r sir yn Oriel Joanna Field o’r enw Arddangosfa Lloyd Grayshon. Yn seiliedig yn bennaf ar natur a bywyd gwyllt, mae delweddau Lloyd wedi dal y newid yn nhywydd Sir Benfro a’i thirwedd godidog.

Yn berchennog ar Media to Motion; cwmni cynhyrchu gyda ffocws arbennig ar greu fideos wedi’i leoli yma yn Sir Benfro, mae angerdd Lloyd mewn fideograffi. Er hynny, yn fwyaf diweddar, mae hefyd wedi datblygu gwerthfawrogiad dwfn o gelfyddyd ffotograffiaeth.

Mae Lloyd, sy’n dad i ddau o blant, yn edrych ymlaen yn fawr at fod yn arddangos ei waith yn Theatr y Torch sydd ar garreg ei ddrws. Dywedodd:

“Rwyf wrth fy modd i gyflwyno fy ffotograffiaeth yn Oriel Theatr y Torch. Tynnwyd y lluniau tra ar brosiectau amrywiol fel fideograffydd. Caniataodd peilot drôn i mi ddal harddwch syfrdanol Sir Benfro o onglau a safbwyntiau unigryw.”

Mae'r sir yn werthfawr iawn i Lloyd a thrwy ei ddelweddau, mae'n gobeithio hyrwyddo Sir Benfro yn y ffyrdd mwyaf hudolus.

I gloi, meddai Lloyd: “Mae gan Sir Benfro le arbennig yn fy nghalon, a thrwy fy lens, rwy’n anelu at rannu fy nghysylltiad personol a’m cyfarfyddiadau dyddiol â harddwch naturiol y rhanbarth.

“Rwy’n gobeithio y byddwch yn mwynhau fy nehongliad o’r lle hynod hwn yr wyf yn ei alw’n gartref.”

Bydd Arddangosfa Lloyd Grayshon yn digwydd yn Oriel Joanna Field, Theatr y Torch drwy gydol mis Hydref a bydd ar agor yn ystod oriau agor y Theatr.