Theatr Torch Am Glywed Gennych CHI!

Dros y naw mis diwethaf, mae Theatr Torch yn Aberdaugleddau wedi bod yn un o bum theatr ar draws Cymru sydd wedi elwa o’r rhaglen Craidd. Mae’r cynllun cenedlaethol hwn yn edrych ar anghenion a gofynion penodol sy’n ymwneud â hygyrchedd theatr (ar y llwyfan ac oddi arni). Fel rhan o ddatblygiad y gwaith hwn hoffai Theatr Torch glywed eich barn am yr hyn y maent yn ei wneud a sut y gallant wella.

Ym mis Chwefror eleni, gofynnir i gymuned Aberdaugleddau a thu hwnt fynychu Bore Coffi yn Theatr Torch yng nghwmni Angharad Tudor-Price, Asiant am Newid y Torch a Tim Howe, Uwch Reolwr Ieuenctid a Chymuned, i fynegi eu barn.

“Rydym am i bobl o bob cefndir alw heibio a dweud wrthym beth yw eu barn am y Torch – beth rydym yn ei wneud yn dda a lle gallwn wneud newidiadau. Bydd y coffi am ddim a’r sesiwn galw heibio yn anffurfiol iawn. Rydym amweithio gyda phobl Sir Benfro er budd y Torch yn ogystal â chynulleidfaoedd ac artistiaid y dyfodol,” meddai Tim

Ychwanegodd: “Yma yn y Torch, rydym eisoes yn cynnig dangosiadau gydag is-deitlau, perfformiadau BSL, perfformiadau hamddenol a’n dangosiadau cyfeillgar i ddementia ‘Ffilmiau ac Atgofion’. Ond rydym yn gwybod bod llawer mwy y gallwn ei wneud i wella pa mor hygyrch ydym, a byddem wrth ein bodd yn gwybod sut mae pobl yn meddwl y gallwn gyflawni hyn. O bethau syml fel arwyddion a phamffledi print bras i syniadau mwy hirdymor fel newid cynllun yr adeilad cyfan neu'r mathau o bethau rydyn ni'n eu rhaglennu. Rydym yn croesawu ac yn annog pob syniad.”

Cydweithrediad rhwng pump o sefydliadau Cymreig yw Craidd; Theatr Torch, Theatr Clwyd, Theatr y Sherman, Celfyddydau Pontio, a Choleg Brenhinol Cerdd a Drama Cymru. Ei chenhadaeth yw gwella cynrychiolaeth y brif ffrwd, ar gyfer a chyda phobl fyddar, anabl a niwrowahanol ledled Cymru. Mae hefyd yn anelu at ysgogi newid cadarnhaol yn y sefydliadau partner dan sylw yn ogystal ag o fewn y sector theatr ehangach.

“Roedd cam cyntaf y cydweithio’n cynnwys archwiliad o bob sefydliad, sgyrsiau sector, hyfforddiant helaeth, a diffinio map ffordd ar gyfer y pum mlynedd nesaf,” esboniodd Angharad Tudor-Price a ychwanegodd fod Ramps Cymru wedi newid ei henw i Craidd yn dilyn ymgynghoriad. Gelli ei gyfieithu o'r Gymraeg i olygu 'craidd' sy'n adlewyrchu uchelgais y gwaith o'r bartneriaeth i fod wrth wraidd holl waith creu theatr.

“Mae'r bore coffi hwn yn ymwneud â chlywed gan bawb am sut maen nhw'n cael mynediad at bopeth sydd gan y Torch i'w chynnig. Mae Craidd yn ffocysu ar yrru theatrau i greu newidiadau cynaliadwy sy’n meithrin cynwysoldeb ar gyfer pobl fyddar, anabl, a niwroamrywiol. Mae’n ymdrech ar y cyd, ac mae gan bob un ohonom ran i’w chwarae i wella hygyrchedd,” meddai Angharad.

Cynhelir Bore Coffi Craidd yn y Torch ar ddydd Mercher 12 Chwefror rhwng 10am a 2pm. Mae croeso i bawb, ac mae Tim ac Angharad yn edrych ymlaen yn eiddgar at eich cyfarfod. I gael rhagor o wybodaeth ewch i torchtheatre.co.uk neu cysylltwch â’r Swyddfa Docynnau ar 01646 695267.