Cawsom sgwrs ag aelod o Theatr Ieuenctid y Torch, yr actores Ria a Chyfarwyddwr Cynorthwyol y Theatr Ieuenctid, Mel. Mae’r ddau yn ymwneud â Ravers – Cynhyrchiad Gwanwyn Theatr Ieuenctid y Torch a fydd yn ymddangos ar lwyfan Theatr Torch o ddydd Iau 6 Mawrth tan ddydd Sadwrn 8 Mawrth.

Ria: “Mynd i Theatr Ieuenctid y Torch yw fy hoff ran o’r wythnos. Mae'n ddoniol, yn groesawgar, ac ychydig o le i ffwrdd o'r byd sy'n eich gwahodd i ollwng gafael a bod yn rhydd. Doeddwn i ddim yn adnabod unrhyw un yno, ond bob nos dw i'n dod allan yn chwerthin. Rwy'n mynd bob wythnos heb wybod yn union beth fydd yn digwydd ond bob amser yn ddi-ofn oherwydd rwy'n gwybod y byddaf yn cael amser gwych, anhrefnus. Rydyn ni'n chwarae gemau drama sy'n gallu bod ar lafar (ac yn uchel iawn) neu rydyn ni'n canolbwyntio ar symud. Mae’r gemau’n amrywiol ac yn ddeniadol a dydych chi ddim yn sylweddoli beth maen nhw wedi’i ddysgu i chi nes eich bod chi’n darllen sgript ac yn siarad yn sydyn â hyder.

Rwyf wedi dysgu llawer o’r Torch. Mae’r profiadau a gefais yn wahanol i unrhyw beth y gall ystafell ddosbarth ei ddysgu. Mae pob wythnos yn caniatáu i ni gamu i mewn i ba bynnag rôl wallgof yr ydym am ei chwarae. Rydych chi bob amser yn ymateb i'ch gilydd yn y golygfeydd prysur ac mae'r dramâu yn cael eu dewis i roi amser i bob person ddisgleirio.

Ar hyn o bryd rydym yn gweithio ar sioe Ravers sef chwyldro’r gîcs yn eu harddegau ac mae’n hynod ddoniol ac yn bleser i'w pherfformio. Mae’r cyfle ychwanegol i fynd i Ganolfan y Celfyddydau Aberystwyth i berfformio yn cŵl iawn. Rydyn ni'n cysylltu â grwpiau drama eraill yn perfformio dramâu cwbl newydd tra'n cael y cyfle i actio o flaen torf o bobl o'r un anian ar lwyfan mawr iawn lle rydych chi'n teimlo ar ben y byd.

Os ydych yn rhywun a hoffai ddymchwel unrhyw deimladau o deimlo’n gaeth, sy’n achosi pryder o’r ysgol, y gwaith, y cartref neu unrhyw beth, neu rywun sydd eisiau noson egnïol, annisgwyl a boddhaus unwaith yr wythnos, yna ymunwch â Theatr Ieuenctid y Torch. Nid yw ond wedi fy ngwneud yn hapusach.”

Mel: “Shwmae, Melanie ydw i! Fi yw cyfarwyddwr cynorthwyol sioe wanwyn Theatr Ieuenctid Torch, Ravers. Dyma gip bach ar fy mhrofiad hyd yn hyn a beth i'w ddisgwyl pan fyddwch chi'n dod i weld ein sioe!

Mae gweithio ar Ravers wedi bod yn brofiad mewnweledol a rhyfeddol mewn cymaint o ffyrdd; cyfle i weithio ar y cyd â’r Theatr Genedlaethol a’r cyfle i ddysgu gan ein cyfarwyddwr Tim, sy’n herio ac yn llywio fy sgiliau fel gwneuthurwr theatr. Wrth wraidd y cyfan, er hynny, mae’r oedolion ifanc rydym yn gweithio gyda nhw bob wythnos. Mae wedi bod yn gymaint o bleser eu clywed yn dadansoddi ac yn trafod eu profiadau yn eu harddegau, yn wahanol i fy un i, a gweld sut maen nhw'n sianelu'r digwyddiadau bywyd hynny trwy eu cymeriadau. Bob wythnos, rwy'n cael eu gweld yn datblygu ac yn tyfu i fod yn actorion mwy cynnil, sylwgar a greddfol.

Rwy’n erfyn ar bawb i fynd i weld Ravers, nid yn unig i hel atgofion am eu hanturiaethau yn eu harddegau fel y gwnaf bob wythnos ond hefyd i gael llygad craff ar fywydau pobl ifanc yn eu harddegau yn y gymdeithas sydd ohoni. Cawn gip ar y treialon, y gorthrymderau a'r llawenydd y maent yn eu hwynebu’n feunyddiol. Ar ddiwedd y sioe, efallai y byddwn yn deall cenhedlaeth ein dyfodol yn fwy penderfynol ond o leiaf byddwch wedi bod yn dyst i ddarn gwych o theatr gyda thalent cartref yn ganolog iddo.”

Ravers – ar y llwyfan o ddydd Iau 6 Mawrth tan ddydd Sadwrn 8 Mawrth. Gellir prynu tocynnau ar-lein yma neu o’n swyddfa docynnau.

Gallwch hefyd gefnogi gwaith ein Theatr Ieuenctid trwy wneud cyfraniad untro neu ddod yn aelod. Mae gwybodaeth am y rhain yn ogystal â ffyrdd eraill o gymryd rhan ar gael yma.