Yr hydref hwn, yn dilyn rhediad llwyddiannus yng Ngŵyl Fringe Caeredin, mae cynhyrchiad Cwmni Theatr y Torch sef Angel yn mynd ar daith gyda thaith saith wythnos o berfformiadau yng Nghymru a Lloegr, gan gynnwys tair wythnos yn Llundain.

Mae Angel yn ddrama un fenyw bwerus ac ingol, wedi’i hysgrifennu gan y dramodydd clodwiw Henry Naylor. Dyma stori chwedlonol Rehana; brwydr ddewr un fenyw yn erbyn y bygythiad mwyaf i’w thref a’i phobl.

Wedi'i chyfarwyddo gan Peter Doran ac yn cynnwys Yasemin Özdemir fel yr Angel o'r un enw, cynhyrchwyd y ddrama yn wreiddiol yn Theatr y Torch yn 2021. Wrth ddychwelyd i'r rhan yn ystod yr ymarferion, dywedodd Yasemin, a gafodd ei magu yn Hwlffordd ac sy'n gyn-fyfyriwr y Theatr Ieuenctid:

“Mae wedi bod yn bleser dod yn ôl at Angel. Rydyn ni'n ailddarganfod y testun ac mae'n teimlo fel cynhyrchiad llawer mwy newydd. Mae rhannau o’r ddrama yn canu’n wahanol i mi – rydw i wedi dod o hyd i elfennau newydd iddi, ond mae’r stori’n dal yn bwerus ac yn berthnasol.”

Ychwanegodd Peter Doran:

“Nid yw Angel wedi colli dim o’i phŵer a’i heffaith. Heb os, dyma un o’r dramâu mwyaf pwerus i mi ei weld neu weithio arni erioed. Nid oes amheuaeth yn fy meddwl i fod y rhyfel yn yr Wcrain wedi dod ag effaith rhyfel yn nes adref gan roi atsain mwy pwerus i gynulleidfaoedd ar draws y DU. Mae Yasemin a minnau’n mwynhau gweithio gyda’n gilydd unwaith eto ac rydym wrth ein bodd yn dod â’r darn pwerus hwn o theatr i gynulleidfa hollol newydd.”

Mae Angel yn adrodd hanes Rehana a wnaeth aros yn ei thref, Kobane, i ymladd yn dilyn yr ymosodiad gan luoedd ISIS y ffodd teuluoedd oddi wrthynt. Fel saethwr, honnir i Rehana ladd mwy na 100 o ymladdwyr ISIS. Pan ddaeth ei stori allan, daeth yn rhyngrwyd-enwog ac yn symbol o wrthwynebiad yn erbyn y Wladwriaeth Islamaidd a chafodd ei galw’n ‘Angel Kobane’.

Mae Angel, yn sioe un fenyw, ac yn drydedd stori yn nhrioleg Arabian Nightmares gan Henry Naylor. Fe’i llwyfannwyd gyntaf i ganmoliaeth fawr yng Ngŵyl Fringe Caeredin yn 2016. Ers hynny mae wedi cael ei gweld ar draws y byd i ganmoliaeth fawr gan y beirniaid, gan ennill gwobrau mewn nifer o wyliau rhyngwladol.

Yn dilyn derbyn clod y beirniaid yn y Fringe Caeredin eleni, mae’r sioe bellach yn mynd ar daith i leoliadau ar draws Cymru a Lloegr, gan ddychwelyd i’r Torch ar 22 Hydref ar ddiwedd y daith. 

Sylwch - mae Angel yn cynnwys iaith gref a golygfeydd trallodus a all fod yn anghyfforddus i rai. Argymhellir y Cynhyrchiad hwn ar gyfer y rhai 14 oed a hŷn. 

Dyddiadau Taith Hydref Angel 2022

30 Awst - 17 Medi  
Hope Theatre, Llundain                                       
thehopetheatre.com | 0333 666 3366

26 & 27 Medi 
Theatr Clwyd, Yr Wyddgrug                                       
theatrclwyd.com | 01352 344101

28 Medi
Harrogate Theatre                                          
harrogatetheatre.co.uk | 01423 502116

29 Medi
The Dukes, Lancaster                                     
dukeslancaster.org | 01524 598500

30 Medi
Galeri, Caernarfon                                          
galericaernarfon.com | 01286 685222

1 Hydref
Courtyard Henffordd                                         
courtyard.org.uk | 01432 340555

4 - 8 Hydref
Theatr Sherman, Caerdydd                              
shermantheatre.co.uk | 02920 646900

11 Hydref
Theatr Lyric, Caerfyrddin                              
theatrausirgar.co.uk | 03452 263510

12 Hydref
Theatr Mwldan, Aberteifi                               
mwldan.co.uk | 01239 621200

13 Hydref
Canolfan Celfyddydau Aberystwyth                                 
aberystwythartscentre.co.uk | 01970 623232

14 Hydref
Canolfan Celfyddyau Taliesin, Abertawe                          
taliesinartscentre.co.uk | 01792 602060

15 Hydref
Canolfan Celfyddydau Pontardawe                                  
pontardaweartscentre.com | 01792 863722

19 Hydref
Theatr Glan yr Afon, Casnewydd                            
newportlive.co.uk | 01633 656757

20 Hydref
Theatr Brycheiniog, Aberhonddun                          
brycheiniog.co.uk | 01874 611622

21 Hydref
Storyhouse, Chester                                      
storyhouse.com | 01244 409 113

22 Hydref
Theatr Torch, Aberdaugleddau                    
torchtheatre.co.uk | 01646 695267