Yn ystod hanner tymor mis Chwefror eleni, mae Theatr y Torch, Aberdaugleddau, yn croesawu’r Three Billy Goats Gruff i’w llwyfan. Gydag nid un, ond dau berfformiad llawn hwyl ar gyfer plant a'u teuluoedd, mae aelodau'r gynulleidfa yn barod i fwynhau’r wledd theatraidd.

Caiff un o'r Three Billy Goats Gruff ei chwarae gan Elizabeth Chadwick. Yn wreiddiol o Huddersfield yn Swydd Efrog, dyma fydd tro cyntaf Elizabeth yn Theatr y Torch a hefyd ei thro cyntaf yn Sir Benfro.

“Mae’n gymysgedd da o hwyl a chyfranogiad gan y gynulleidfa,” meddai Elizabeth sy’n chwarae rhan Billy Goat mawr hyderus a dewr. “Mae’r sioe yn gwneud i bobl chwerthin, a chan mai fi yw’r Afr mwyaf cŵl, dewr a mwyaf hyderus, rwy’n ceisio helpu’r Trol i ddod yn berson gwell ac i wneud mwy o ffrindiau.”

Dyma fydd trydydd tro Elizabeth ar daith yn perfformio’r Three Billy Goats Gruff ar gyfer Lost The Plot Theatrical Land er ei bod hi’n gyfarwydd iawn â’r sgript, mae perfformio mewn lleoliadau newydd bob amser yn dod â’i heriau.

“Mae gennym ni gyfnod ymarfer byr o wythnos. Mae braidd yn ddwys ac mae’n rhaid i mi hollol ganolbwyntio, ond rwy’n caru Cymru ac rwy’n edrych ymlaen at ymweld,” meddai Elizabeth sydd wedi ymddangos ar daith DU o Pirates of Penzance a Jerry Springer the Opera ym Manceinion.

Mae The Three Billy Goats Gruff, yn stori dylwyth teg Norwyaidd yn adnabyddus ar draws y byd ac nid yw byth yn peidio â swyno plant ac oedolion fel yr eglura Elizabeth.

“Mae’n stori neis iawn am orfod bod yn ddewr ac yn garedig. Byddwn yn ymddangos fel bodau dynol wedi'u gwisgo mewn cymeriad â helmedau. Mae’n llawn ffolineb ond mae iddi elfen ddifrifol ac mae’n addysgiadol.”

Astudiodd Elizabeth Theatr Gerdd yn y Brifysgol lle chwaraeodd amrywiaeth o rolau ac mae'n annog unrhyw un sydd eisiau bod yn actor i anelu at y sêr.

“Ewch amdani. Nid yw pawb sy'n dod yn actor yn cael hyfforddiant ffurfiol. Cofiwch gael hwyl, achos dyna dw i'n ei gael," meddai Elizabeth.

Bydd The Three Billy Goats Gruff yn cael ei pherfformio yn Theatr y Torch ar ddydd Mercher 22 Chwefror am 11.30am a 2pm. Mae tocynnau yn £12.50 oedolyn / £10 consesiynau a £40 i deulu.